ழகரம் தமிழ் கவிதைகள்

ஆண் சாதி பெண் சாதி பிற சாதி சமாதி என சமத்துவம் சமைத்து சமூக நீதி காத்து கவைக்கு உதவா காரியங்கள் கருத்தில் தள்ளி நற்சிந்தை செய்து தையலெல்லாம் தொழில் செய்து தனம் பெற தளம் செய்த தாடிக்காரர் இவர்

சக்கர சுழற்சியின்  சலிப்புகள்  எல்லாம்  கிளர்ந்து எழுந்து  தளர்கின்றன  தூசி துடைத்து  வண்ணம் பூசி  பூசை செய்து  புத்துயிர் கொண்டு  புது சரித்திரம்காண  புதிய பாதைகள்  பயணம் போகுது  இருமொழி புலமையில்  வாஞ்சை கொஞ்சம்  வசமாகி போனதனால்  வாழ்வு சிறக்குமென ஓர்  வசந்தகால பயணம்  பாதை காணுது  கருவிகள் கொண்டு  கருமங்கள் செய்தால்  காலத்தால் கனி  கனியும் என கனித்தோர் வாக்கில்  கருவிகள் பிடித்து  கருமங்கள் செய்திட  கால்களின் பயணம்  கனியும் கனியும்  கண்களை கவரும்  கருத்தும் சிறக்கும்  விரல்கள் தொடுக்கும்  வில்லின் அம்பினை  மாலையாக்கும்  மார்க்கம் ஊடே  இணையம் சிலிர்க்கும்  இனிமை பிறகும் 

தந்தை என்னும் ஆணின் பேரன்பில் மைய்யம் கொண்டு மகவாய் வரும் மகளெல்லாம் அந்த ஆணின் பெண் பதிப்புகளே.

அகராதியில் சேர்க்க மறந்த பிழை உன் பெயர் ஆம் அழகென்ற சொல்லுக்கு உன் பெயரும் பொருளாகி போவதனால் அகராதியில் சேர்க்க மறந்த பிழை உன் பெயர்

  கருவில் உதித்து உரு கண்ட என் சிசுவின் பொக்கை வாய் நகையும் அசௌகரிய அழைப்பின் அழுகையும் உதிரம் மிகுந்த இளிவரலும் அது கொணர்ந்த உவகையும் மாந்தர் மகிழ்வின் மனம் புரியா மருட்கையும் அள்ளி அணைக்கும் அன்புகள் உணரா அச்சமும் -பின் அன்பின் இனம் கண்ட பெருமிதமும் அண்டத்தில் அணைத்தோர் வசம் செல்லும் வெகுளியும் பின் சோர்ந்து துயிலும் அமைதியும் அகிலம் ஆளவிருக்கும் என் ஈஸ்வரியின் நவரசங்கள்            

. மழைத்துளி பாரம் மகளின் பூவிரலில் மய்யம் கொண்டபோது மகளுக்கு ஊறு  நேருமோ என குடைக்குள்  இழுத்த பின்னும் அப்பா மலப்பா அப்பா மலப்பா என ஆசை மகளின் எச்சில் பேச்சில் குடைக்குள்ளும் மழை

  சாமானியனிடத்தில்  சந்தைப்படுத்த  சுவரொட்டி மட்டும்  போதவில்லை இன்று  அழகாபுரத்து சாலையில்  பவனிவரும் அழகியெல்லாம்  சொகுசுகாரில் விரலுக்கு  சொடுக்கெடுத்து விட்டு  விரல் தேய  தொடுதிரையில்  தொலைந்து போகின்றார்கள்  இவர்களின்  மனம் கவர மணமுவந்த  மரக்காகித  கூழும்  மக்கிப்போய்  மண் சேர்கின்றன  இனி என்ன  இவர்களுக்கு இணைய உலகத்தில்  உலா வரும்  இளசுகளை  இனம் அறிந்து  மனம் கவர  சந்தை  இதிகாசங்கள்  இணையத்துடன்  இணைந்துவிட்டன  தட்டும் விரல்களை  தாவிக் கொண்டு  தபக்கென குதிக்கும்  தரவரிசை முடிவுகளுக்குள் தடகள ஆட்டமே  நடக்குது இங்கே  சந்தை பொருளை  விந்தை செய்து  சிந்தை சேர்த்து  சில்லறை சேர்க்க சமூக ஊடகம்  சேவை செய்யுது  மிகைப்படுத்தி  முன்வைக்கப்பட்ட  மின்னஞ்சல்கள் சில முக்கோண பணிக்கூழை  முன்வைத்து மூக்கொழுகளை  முன் நிருத்தி  கைக்குட்டையையும்  கைதுருத்தி போகுது  ஆயிரம் ஆயிரம்  அச்சு எழுத்துகளை  அழகாய் கோர்த்து  மொழிகளில் மெருகேற்றி  வழியெல்லாம் விழிக்கோர்  விருந்து சமைகின்றன  இத்துனை செய்யும்  இணைய வணிகமும்  நவீன சந்தையும்  நவநாகரிக மாந்தரின்  நாடித்துடிப்பின்  கரம் பற்றியே  அறம் செய்கின்றன