ழகரம் தமிழ் கவிதைகள்

. மழைத்துளி பாரம் மகளின் பூவிரலில் மய்யம் கொண்டபோது மகளுக்கு ஊறு  நேருமோ என குடைக்குள்  இழுத்த பின்னும் அப்பா மலப்பா அப்பா மலப்பா என ஆசை மகளின் எச்சில் பேச்சில் குடைக்குள்ளும் மழை

  சாமானியனிடத்தில்  சந்தைப்படுத்த  சுவரொட்டி மட்டும்  போதவில்லை இன்று  அழகாபுரத்து சாலையில்  பவனிவரும் அழகியெல்லாம்  சொகுசுகாரில் விரலுக்கு  சொடுக்கெடுத்து விட்டு  விரல் தேய  தொடுதிரையில்  தொலைந்து போகின்றார்கள்  இவர்களின்  மனம் கவர மணமுவந்த  மரக்காகித  கூழும்  மக்கிப்போய்  மண் சேர்கின்றன  இனி என்ன  இவர்களுக்கு இணைய உலகத்தில்  உலா வரும்  இளசுகளை  இனம் அறிந்து  மனம் கவர  சந்தை  இதிகாசங்கள்  இணையத்துடன்  இணைந்துவிட்டன  தட்டும் விரல்களை  தாவிக் கொண்டு  தபக்கென குதிக்கும்  தரவரிசை முடிவுகளுக்குள் தடகள ஆட்டமே  நடக்குது இங்கே  சந்தை பொருளை  விந்தை செய்து  சிந்தை சேர்த்து  சில்லறை சேர்க்க சமூக ஊடகம்  சேவை செய்யுது  மிகைப்படுத்தி  முன்வைக்கப்பட்ட  மின்னஞ்சல்கள் சில முக்கோண பணிக்கூழை  முன்வைத்து மூக்கொழுகளை  முன் நிருத்தி  கைக்குட்டையையும்  கைதுருத்தி போகுது  ஆயிரம் ஆயிரம்  அச்சு எழுத்துகளை  அழகாய் கோர்த்து  மொழிகளில் மெருகேற்றி  வழியெல்லாம் விழிக்கோர்  விருந்து சமைகின்றன  இத்துனை செய்யும்  இணைய வணிகமும்  நவீன சந்தையும்  நவநாகரிக மாந்தரின்  நாடித்துடிப்பின்  கரம் பற்றியே  அறம் செய்கின்றன 

கபால ஓட்டினுற்  கருவி கொணரும் கருத்துகள் யாவும் காகிதம் வழி களம் சேர்த்து ஜனம் கவர்ந்து  மனக்கொள்ளை செய்து சாயக் கோலமாய் சமணமிட்டு கொள்ளுதல் கருத்துடையோன் செய்யும் கர்ம வினைகள்

அண்டத்தில் அகம் கொண்ட அம்மாக்களின் பிள்ளைகள் அனைவரும் அன்பிலும் அறிவிலும் ஆழ்ந்து தேர்ந்து அன்னைத் தமிழ் வழி சிந்தை செய்து  கன்னியின்பாற்  காதல் கொள்ளும் காதலை போன்றே கள்வனின் குணத்தோடும் அவன் சினத்தோடும் கள்வனின் நடையோடும் அவன் உடையோடும் கள்வனின் வீரத்தோடும் அவன் கை சட்டை மடிப்போடும் கள்வனின் காந்த துடிப்போடும் அவன் கள்ள சிரிப்போடும் கள்வனின் உழைப்போடும் அவன் காதலியின் காதலோடும் கள்வன் செய்யும் அவன் பிள்ளை காதலோடும் காதலாகி நம்மையெல்லாம் அவனாகி போதல் அவனதிகாரம்

கபால ஓட்டின் கருவி வழியே காந்தமாய் கொள்ளும் சிந்தைகள் யாவும் சீறிப் பாய்ந்து சிதையாது கொள்ளாது சினை தரித்து செயல் காணும் மாண்பே எண்ணம் போல் வாழ்க்கை

அண்டத்தில் உள்ள  அனைத்து ஜீவராசிகளுக்கும் அவ்வளவு எளிதில் கிடைக்காத அன்னையின் பாசத்தை  ஆணை சாவாரியை  இனிப்பின் சுவையை  ஈக்களின் ஒலியை உள்ளத்தின் உணர்வை ஊடலின் இன்பத்தை எச்சில் சுவையை ஏறு தழுவுதலை  ஐந்துக்கள் கொஞ்சலை ஒப்பாரி ஓலத்தை ஓலைபாயின் ஒண்டு குடித்தனத்தை ஔபாசனப் புகையை ஃகின் மொழி வளத்தை சில  வாசிப்பின்  வாசல்கள் அனைத்தையும்  அகம் சேர்த்து  அழகு பார்க்கின்றன

  அன்பும் கருணையுமாய்  அறிவும் காதலுமாய்  அழகும் காந்தமுமாய் ஆகாசமும் காற்றுமாய்  அலகும் கனவுமாய்  அறமும் கடமையுமாய்  அகரமும் காகிதமுமாய்  அணிகலனும் கழுத்துமாய்  ஆடவனும் கன்னியுமாய்  அவனும் காதலியும்   காலத்தில்.